في المقالة دي حنتعلم أول حاجه أي حد بيتعلمها في أي لغه وهي التحيات الاساسية في اللهجه المصرية:

بس قبل ما نتعرف علي التحيات لازم نعرف أنه في العربي عموماً نطق الكلمات بيختلف حسب أنت بتكلم ذكر ولا أنثي وحنشوف مع بعض دلوقتي ازاي الاختلافات في النطق دي بتبين أنت بتكلم راجل ولا ست.

النطق موجود في الفيديو المرفق مع المقالة:

1- おはようございます

صباح الخير / Sabah Elkheir

(تقدر تستعلمها زي ماهي لو كنت بتكلم ذكر أو أنثي).

2- 元気？

لو بتكلم ذكر: إزيك عامل ايه ؟ Ezzayak Amel Eh?

لو بتكلم بنت: إزيك عاملة ايه؟ Ezzayek Amla Eh?

بس لو عاوز تقولها بطريقة أحترامية شوية حتكون :

· لو بتكلم راجل: أزي حضرتك؟ Ezzay Hadritak?

· لو بتكلم ست : إزي حضرتِك؟ Ezzay Hadritek?

3- لو بتتكلم مع صديقك بيبقي الموضوع كاجوال أكتر :

لو بتكلم صديق: عامل ايه؟ أخبارك ايه؟ Amel Eh? Akhbarak Eh?

لو بتكلم صديقتك: عاملة ايه؟ أخبارك ايه؟ Amla Eh ? Akhbarek Eh

هنا (اخبارك ايه) لو ترجمناها ترجمه حرفيه حتكون فعلاً أخبارك ايه أو عندك ايه جديد بس هي بتدي معني أزيك برضه.

4- التحية في المساء بتكون (مساء الخير Masaa Elkheir)

(نسيت أحطها في الفيديو) برضه دي بتقولها زي ماهي بدون تغيير سواء بتتكلم مع راجل أو ست.

المقالة اللي جايه حقولكوا ازاي بنرد علي التحيات دي!

جربوا تقولوها بصوت عالي لحد ما تحفظوها كويس!