الجزء التاني من المحاكاة الصوتية في اللهجة المصرية! أصوات بتحكي خناقات، نجاح بالعافية، وحتى صوت العربية! يلا بينا!

ده الجزء التاني من سلسلة الأونوماتوبيا في اللهجة المصرية !

لو فاكرين إن الموضوع خلص عند “بربنط” و“ويك ويك”… لأ لسه عندنا حاجات تانية ممتعة يلا نكمل !

·طاخ طاخ طاخ / طاخ طيخ طاخ:

الكلمة دي بتتصوّر على طول مع خناقة شديدة أو ضرب جامد. يعني لما تحبي تحكي إن اتنين اتخانقوا خناقة تقيلة، ممكن تقول : الناس ضربت بعض طاخ طاخ طاخ.

الصوت هنا بيوصل إحساس الضرب نفسه، وكأنه مشهد أكشن قدامك .كل ما تتكرر الكلمة، بتحس إن الخناقة كانت أعنف.

·على الحركرك:

دي بنستخدمها لما حاجة تحصل بالعافية أو على آخر لحظة. زي لما تنجح في إمتحان بالعافية جدًا، حتقول:أنا نجحت في الامتحان على الحركرك.

قريبة قوي من معنى “بالعافية” أو “بالعافية خالص”، أو زي “Giri Giriギリギリ” في الياباني.

·لبلب:

يمكن تكونوا سمعتوها قبل كده، لأنها شبه “بربنط. بتتقال عن حد بيتكلم لغة بطلاقة رهيبة.

زي مثلاً: جون بيتكلم ياباني لبلب. يعني بيتكلم اللغة اليابانية بطلاقة جدًا.

·عن عن عن:

ده بيعبر عن صوت موتور العربية لما يبقى عالي أو مزعج.

مثلاً: صوت العربية عمل عن عن عن. يعني صوت موتور العربية عالي جداً.

شايفين بقى قد إيه اللهجة المصرية بتحب تحوّل الصوت نفسه لكلمة؟

الأصوات دي بتخلي الحكاية أوقع وأقرب للصورة في دماغك!