كلمات ليها نفس النطق بس المعني مختلف تماماً! اللهجة المصرية X اللغة اليابانية(الجزء الأول)

هل عمركم لاحظتم إن أحيانًا لغتين بعيدين تمامًا عن بعض ممكن يتشابهوا في نطق الكلمات بس المعني بيكون مختلف تماماً؟ المفاجأة إن اللهجة المصرية فيها كلمات نطقها يكاد يكون قريب جداً من اللغة اليابانية… لكن المعنى؟ في بعض الحالات مختلف تمامًا!

خلونا نبدأ بكلمة مشهورة جدًا في اليابان وهي كلمه : "ياباي.Yabai ヤバい"

في اللغة اليابانية الكلمة دي ليها معاني كتيرة جدًا، ممكن تستخدموها لما حاجة تكون خطيرة، سيئة، أو حتى رائعة جدًا حسب الموقف. يعني ممكن حد يقول:"الكيك ده ياباي!" ويقصد إنه لذيذ بشكل غير طبيعي. وفي موقف تاني: "يا باي! نسيت المحفظة!" وهنا المعنى سلبي. لكن في اللهجة المصرية؟ كلمة "ياباي" في معظم الأوقات بتدي معني سلبي.

بتتقال لما حد بيكون متضايق أو قلقان: "يا باي… بكرة عندي أمتحان!" أو "يا باي، الشخص ده جه!" الفرق هنا إن في اللغة اليابانية ممكن يكون معناها إيجابي أو سلبي، إنما في اللهجة المصرية الإحساس بيبقى سلبي بس.

نروح لكلمة تانية:

في اللغة اليابانية فيه كلمة “軍事 (ぐんじGunji)” ومعناها الأمور العسكرية. الظريف إن فية في اللغة العربية كلمة قريبة جدًا في النطق:"جندي Gondi"، ومعناها soldier المعنى متقارب فعلًا، لكن النطق مختلف شوية.

وأخيرًا كلمة ظريفة جدًا:

في لهجة كانساي اليابانية فيه كلمة アホأهو  ومعناها "غبي" أو "أحمق". لكن في اللهجة المصرية فيه نفس الكلمة بنفس النطق، ومعناها حاجة تانية خالص !المعنى بيبقى زي: "بص! هو ده!" أو "أهو" زي لما نقول: "أهو أحمد جه!" نفس النطق بالظبط… لكن المعنى في عالم تاني خالص. وده اللي بيخلي تعلم اللغات ممتع جداً عشان بنلاقي كلمات نطقها واحد وبمعني مختلف تماماً! فية جزء تاني لكلمات متشابهه في النطق في اللهجة المصرية واللغة اليابانية بس المعني مختلف ! فا أستنوا المقالة اللي جاية!

ولو الموضوع ده عجبك، اقرأ كمان: حتبقي بروو في الأرقام باللهجة المصرية! وأزاي تقول ( الأكل حلو) باللهجة المصرية؟ و حتتعلم برضه أسامي الخضار و الفاكهه والتوابل!