قعدت أفكر كتير أزاي أنظم تعليم اللهجه المصرية فا قررت أشرح بطريقه أنك تتعلم جُمل ومن خلالها تتعلم الكلمات ومع الوقت حتعرف تركيب الجُمل إزاي!
فا أول حاجه احب أشرحها هي : إزاي تعرف نفسك بطريقه بسيطه باللهجه المصرية!
في الاوديو حتسمع النطق بتاع الجٌمل وحاول ترددها وتنطقها زيها.
بس قبل ما نخش في موضوع المقالة دي حابه أقول أن في اللغه العربية عموماً بيبقي فيه فرق في نطق الكلمات حسب هل اللي بيتكلم ذكر ولا أنثي. فا مثلاً لو بتكلم عن نفسي بقول (أنا) سواء كنت ذكر أو أنثي بس لو بوجه الكلام لحد :
لو كان ذكر : بقوله (أنت) ولو كانت أنثي بقولها: (إنتي).
كمان في اللهجه المصرية نطق الكلمات بيختلف عن اللغة العربية الفصحي فا ما تستغربوش!
فا تعالوا نشوف أعرف نفسي أزاي بطريقه بسيطه بالعربي/ اللهجه المصرية.
أنا حعرف نفسي بطريقه بسيطه:
أنا أسمي نهال, مصرية, عمري سبعه وتلاتين سنة.
أنا (Ana) :私
إسمي (Esmi): 名前
مصرية (masreya): エジプト人
عمري (omri): 年齢
سبعه وتلاتين (sabaa wi talateen): 三十七
سنه (sana): 歳
ممكن تقول (أنا) في بدايه الجملة أو لا مش حتفرق كتير لو قلت نفس الجمله من غير (أنا) مافيهاش مشاكل!
تعالوا نتعلم مع بعض أزاي تعرف نفسك كياباني:
أنا أسمي ساتوشي , ياباني , عمري عشرين سنه.
Ana Esmi Satoshi, yabani, omri eshreen sana.
私の名前はサトシです。日本人です。二十歳です。
· في حالة لو كنتي بنت:
أنا إسمي كاوري,يابانية, عمري 23 سنه
Ana Esmi Kaori, Yabaneya, omri talata wi eshreen sana.
الفرق بين الكلمتين ياباني ويابانية:
لو ذكر وبتتكلم عن نفسك تستخدم (ياباني), لو بنت وبتتكلمي عن نفسك (يابانية).
طب لو عاوز تقول : 日本から来ました
أنا من اليابان. Ana men el yaban
أنا: 私
من(men) : から
اليابان (el yaban): 日本
الجُمل اللي جاية دي أسأله بسيطه مستخدمه في التعارف اليومي:
お名前は？
1. إنت إسمك إيه؟ (لو السؤال موجه لذكر): Enta Esmak Eh?
2. إنتي أسمك إيه؟ (لو السؤال موجه لأنثي): Enti Esmek Eh?
何歳ですか？
1. عمرك كام سنة؟ (لو السؤال موجه لذكر): Omrak Kam sana?
2. عمرٍك كام سنة؟ (لو السؤال موجه لأنثي): omrek kam sana?
ممكن بدل (عمرك) بنستخدم برضه (سنك):
1. سنٌك كام سنة؟ (لو السؤال موجه لذكر): sennak kam sana?
2. سٍنٌك كام سنة؟ (لو السؤال موجه لأثني): sennek kam sana
どこから来ましたか。
1. أنت منين؟ (لو السؤال موجه لذكر): Enta mnen?
2. أنتي منين؟ (لو السؤال موجه لأنثي): Enti mnen?
أنت: Enta
إنتي: Enti
أنا من اليابان, طوكيو Ana men el yaban, Tokyo
أنا من اليابان, أوساكا Ana men El yaban, Osaka
في المقالة اللي جايه حنتعلم نقول الأرقام عشان نعرف نقول سننا !
