بكام ده؟ الشراء والفصال باللهجة المصرية!

«دي بكام؟» «غالية أوي!» «ده آخر سعر؟» جمعتلكم في المقالة دي أهم الجمل اللي ممكن تستخدموها وإنتوا بتشتروا في مصر! وكمان حنتكلم عن كلمات متعلقه بالفلوس، وكام نصيحة للفصال من وجهة نظر مصرية !

أي حد عاش في مصر يعرف إن الشراء عندنا مش مجرد "خد الحاجة وادفع". في السوق والمحلات الصغيرة، الشراء كلام ودردشة وضحك، وفي الآخر "فصال". أما في اليابان فالسعر مكتوب وثابت، ومحدش بيفاصل تقريباً، والجملة الأشهر هي これはいくらですか？ (Kore wa ikura desu ka?). في المقالة دي حنجمع الجمل اللي بنحتاجها واحنا بنشتري باللهجة المصرية، ومعاها المقابل الياباني.قبل ما تبدأ، مهم تكون عارف الأرقام كويس، ولو محتاج مراجعة شوف مقالة الأرقام باللهجة المصرية.

معني كلمه (فصال):

يعني إيه «فصال»؟

الفصال ببساطة هو إنك لما تيجي تشتري حاجة، ما تقبلش بالسعر اللي قاله البياع من أول مرة، وتحاول تتفاوض معاه عشان ينزّل السعر شوية.

يعني مثلًا لو البياع قالك: «الشنطة بـ٣٠٠ جنيه»، ممكن تقوله: «غالية أوي! ممكن تعملها بـ٢٠٠؟» وتبدأوا تتفاوضوا لحد ما توصلوا لسعر مناسب للاتنين.

الفصال حاجة عادية جدًا في الأسواق والمحلات الصغيرة في مصر، وخصوصًا في الأماكن اللي الأسعار فيها مش ثابتة.

لكن في اليابان الموضوع مختلف شوية، لأن الأسعار بتكون مكتوبة وثابتة في أغلب المحلات، ومش من المعتاد إنك تطلب من البياع ينزّل السعر.

وعشان كدا لو أول مرة تيجي مصر، ممكن تتفاجئ إن شراء حاجة بسيطة ممكن يتحول لمفاوضات كاملة!

تسأل عن السعر إزاي؟

بالياباني	باللهجة المصرية	النطق	ملاحظة
これはいくら？ (Kore wa ikura?)	بكام ده؟	Bekam da?	للحاجة المذكرة
これはいくら？	بكام دي؟	Bekam di?	للحاجة المؤنثة زي "الشنطة"
全部でいくら？ (Zenbu de ikura?)	كله بكام؟	Kollo bekam?	لما تشتري كذا حاجة
1キロいくら？	الكيلو بكام؟	El-kilo bekam?	في سوق الخضار والفاكهة
〇〇ポンドです	بـ ... جنيه	Be ... geneh	مثلاً: بخمسين جنيه

Audio:

كلمة جنيه (geneh) هي العملة، وبنقول كمان نص جنيه (noṣṣ geneh) وربع جنيه (robʿ geneh). وخلي بالك: البياع ممكن يقول "بعشرة" بس من غير ما يقول جنيه، لأنه مفهوم. تسأل عن السعر | اللهجة المصرية

الفصال: الفن المصري

بالياباني	باللهجة المصرية	النطق	ملاحظة
高すぎる！ (Takasugiru!)	غالي أوي!	Ghāli awi!	أول جملة في الفصال
安くしてくれる？	ممكن تنزل السعر شوية؟	Momken tenazel el seer showaya?	مؤدبة ومناسبة للمحلات
もう少し下げて	نزّل شوية	Nazzel shwaya	للبياع الراجل
最終価格は？	آخر كلام؟	Ākher kalām?	يعني "ده آخر سعر؟"
いりません	مش عايز / مش عايزة	Mesh ʿāyez / Mesh ʿayza	حسب المتكلم

Audio:

حيلة الفصال: اعمل نفسك حتمشي من المحل!

لو لقيت السعر اللي قالهولك البياع في محل الهدايا غالي، ابدأ بـ «غالي أوي!». لو البياع نزل السعر شوية، قول له السعر اللي إنت عايزه باستخدام «خليها بـ...».

ولو لسه ما اتفقتوش على سعر، قول «شكراً» وابدأ اطلع من المحل بهدوء. في الغالب هتسمع البياع بينادي عليك: «استنى، استنى!»

دي من الحركات المشهورة جدًا في الفصال و التفاوض علي السعر في الأسواق المصرية.

ملاحظة ثقافية: "خليها علينا" مش معناها ببلاش!

من أغرب الحاجات لليابانيين في مصر جملة خليها علينا أو خليها لما تيجي تدفع. حرفياً معناها "خليها علينا، مش لازم تدفع"، بس دي مجاملة، والمفروض تصر وتدفع! ده جزء من الذوق المصري زي ما في اليابان بيرفضوا الهدية مرة قبل ما ياخدوها. وفي الكشك ممكن كمان تاخد لبان بدل الفكة، دي حكاية تانية خالص!طبعاً الفصال ده بيكون في الاسواق الشعبيه زي خان الخليلي و البياعين في الشارع بس لو محلات كبيرة أو المحلات في المولات فا مافيش فصال و ملتزم تدفع السعر اللي علي التكت!Audio:

حوار قصير في السوق:

Audio:

أنا: لو سمحت، الشنطة دي بكام؟ (すみません、このバッグはいくらですか？)
البياع: بـ ٣٠٠ جنيه بس.
أنا: غالي أوي! ممكن تنزّل شوية؟ (高すぎる！少し安くして)
البياع: خلاص، ٢٥٠.
أنا: ٢٠٠ جنية آخر كلام؟
البياع: خلاص ماشي، اتفضلي. خليها علينا!

كلمات تانية هتسمعها في المحل:

أؤمر؟ – Oʾmor?: أول حاجة البياع بيقولها، يعني "تحت أمرك، عايز إيه؟"، وقريبة من いらっしゃいませ.

Audio:

فيه مقاس أكبر؟ – Fīh maʾās akbar?: لما تشتري هدوم، وبالياباني もっと大きいサイズはありますか？

Audio:

فيه مقاس أصغر؟ Feh maas Asghar? もっと小さいサイズはありますか？Audio:

ممكن أجربه؟ – Momken agarrabo?: يعني أقيسه، وبالياباني 試着してもいいですか？

Audio:

معاك فكة؟ – Maʿāk fakka?: لما يكون معاك ورقة كبيرة والبياع محتاج فكة.

Audio:

الباقي – El-bāʾi: الفلوس اللي بترجع لك، وبالياباني お釣り.

Audio:

بالفيزا؟ – Bel-visa?: لو عايز تدفع بالكارت، وده بقى منتشر في المحلات الكبيرة، بس السوق لسه بالكاش.

أمثله:1- ممكن أدفع بالفيزا ؟ momken Adfaa Bel Visa ? カードで払えますか？Audio:

2- عاوز/ عاوزه أدفع كاش.Awez (for males)/ Awza (for females ) Adfaa kash. 現金で払いたいです。Audio (For male Speakers):

Audio (For female speakers):

ولاحظ إن البياعين في مصر بينادوا الزبون بألقاب زي يا باشا ويا فندم ويا أستاذة، وده نوع من الاحترام والود. أما في اليابان فالبياع بيستخدم الكيغو (敬語) الرسمي جداً، زي お客様. الاتنين احترام، بس الطعم مختلف خالص!

جمل هتحتاجها وإنت بتختار هدوم أو هدايا:

قبل ما نبدأ الفصال، الأول لازم نختار الحاجة اللي عايزين نشتريها . في محلات الهدوم والهدايا، البياع غالبًا بيبدأ يكلمك ويحاول يعرف إنت عايز إيه. سواء كنت لسه بتتفرج بس أو خلاص عرفت إنت عايز تشتري إيه، الجمل دي هتساعدك جدًا:

الياباني	اللهجة المصرية	النطق	ملاحظة
أنا بتفرج بس (للرجل)	بتفرج بس	Batfarrag bas	لو البياع كلمك وإنت لسه بتتفرج
فيه مقاس أكبر؟ (لبياع رجل)	عندك مقاس أكبر؟	Andak ma'as akbar?	لو البياعة ست، تقول Andik
فيه لون تاني؟	فيه لون تاني؟	Fih lon tani?	لون (lon) يعني لون
ممكن أقيس؟	ممكن أقيس؟	Momken a'is?	لما تكون في محل هدوم
حاخد ده	حاخد ده	Hakhod da	لو الحاجة مؤنث تقول Hakhod di
ممكن كيس؟	ممكن كيس؟	Momken kis?	تنفع كمان في السوبر ماركت

Audio:

ولو إنت ماشي في خان الخليلي، ممكن تلاقي البياعين أول ما يعرفوا إنك ياباني ينادوا عليك بـ 「こんにちは！」 أو 「安いよ！」 بالياباني .

في الحالة دي، جرب ترد عليهم بالمصري وتقول Batfarrag bas, shukran يعني «بتفرج بس، شكراً». غالبًا هيتفاجئوا إن أجنبي بيتكلم مصري، ومن هنا ممكن تبدأ دردشة لطيفة جدًا.

اليابانيين اللي بيتكلموا باللهجة المصرية بيكونوا حاجة مميزة جدًا بالنسبة للمصريين، فعشان كدا حتى لو غلطت في كلمة أو اتلخبطت شوية، ما تقلقش! اتكلم وجرب تستخدم اللهجة على قد ما تقدر.

الخلاصة

الجمل الأساسية: بكام ده؟ للسؤال، غالي أوي ونزّل شوية للفصال، آخر كلام؟ لما توصل لآخر سعر، وماشي لما تتفق. ومتنساش تقول "شكراً" في الآخر، وشوف طرق الشكر كلها في مقالة الشكر والاعتذار باللهجة المصرية.