لما بنسمع كلمة "أونوماتوبيا" بنفتكر على طول اللغة اليابانية، صح؟

بس المفاجأة إن اللهجة المصرية كمان مليانة كلمات بتعبر عن محاكاة صوتية لحاجات مالهاش كلمة صريحه في العربي.

تعالوا نشوف أمثلة  في اللهجة المصرية!

· بربنط :

دي بتتقال على حد بيتكلم بطلاقة قوي، خصوصًا في اللغات.

لو قلنا: "ساتوشي بيتكلم عربي بربنط!"

يبقى معناه إنه بيتكلم عربي بطلاقة جدًا — زي "Pera Peraペラペラ" في الياباني كده.

·إش إش:

دي كلمة بنقولها لما نشوف حد لابس شيك أو شكله ملفت.

يعني كأنك بتقول: "واو! إيه الأناقة دي!"

بس خلي بالك، دي كلمة كاجوال، يعني بين صحاب أو في جو خفيف.

·تاتا تاتا:

أصلها كانت بتتقال للأطفال وهمه بيتعلموا يمشوا، زي "يلا خطوة خطوة".

ومع الوقت بقيت معناها "واحدة واحدة" أو "بالتدريج".

مثلاً: "تاتا تاتا هتبقى شاطر في الياباني."يعني مع الوقت حتتحسن في اللغة اليابانية.

·ويك ويك:

دي بقى لما حد يقعد يتكلم كتير أوي من غير ما يسكت!

زي لما تقول: "قعد يرغي ويك ويك طول اليوم دماغي صدعت!" يعني حد فضل يتكلم كتير لحد ما زهقت.

زي ما اللغة اليابانية فيها أونوماتوبيا بتعبر فيه عن أصوات مالهاش كلمه في اللغة، اللهجة المصرية كمان عندها نفس الشئ ده.

إستنوا المقالة اللي جايه عشان حنقول فيها الجزء التاني من الاونوماتوبيا في اللهجة المصرية!