ألاكل المصري معروف بجبروته وقوته.. وأنه قنبلة سعرات حراريه! بس الحمدلله فيه أكله بجانب الملوخيه صحيه جداً في المطبخ المصري وهي (شوربه العدس)!
شوربة العدس من الأكلات المصرية اللي غنية بالقيمة الغذائية وطعمها الخرافي وعادة بتتشرب في الشتا عشان بتدفي جداً. طريقتها سهله جداً لدرجه أنها مش محتاجه يكون عندك أي مهارة طبخ عشان تعملوها !
تعود أصول شوربة العدس للعصور القديمة في منطقة الشرق الأوسط، وتحديداً بلاد الشام ومصر، حيث عرفها الفراعنة وزرعوها منذ آلاف السنين، وتعتبر من أقدم الأطباق الشعبية اللي إرتبطت بالحضارات القديمة كوجبة غذائية مغذية وغنية بالبروتين النباتي!
شوربة العدس شوربة صحيه كمان و تنفع للدايت و مش بس كدا كمان نباتية وتنفع للناس النباتيين اللي مش بياكلوا لحمه أو فراخ.
ومن الحاجات المضحكه أن العدس لونه برتقالي بس بنقول عليه عدس أصفر عشان بعد ما بيتسلق لونه بيبقي فاتح و قريب من اللون الأصفر!
طريقه التحضير:
بنجيب نص كوبايه عدس أصفر و نغسلها كويس جداً بعدها في حله علي النار بنحط مياة حوالي لتر ونص مع العدس و الخضار اللي هو (كوسه|جزر|بصل|طماطم|بطاطس)
والتوابل (ملح وفلفل و كمون) .. أول ما الخضار يبقي طري بنخلطه كله بالهاند بلندر ونضيف التوابل و نقلب.
الشوربه وعاده بتتاكل مع العيش البلدي المحمص والبصل المقلي وبنعصر عليها لمون.
