لو جبت سيرة (مصر) همه حاجتين حييجوا في دماغك.. الأهرامات.. و فطارنا المميز من أيام المصريين القدماء اللي هو الفول والطعمية!
في المقالة دي حنتكلم عن الفطار المصري بجدارة واللي ما أتغيرش من أيام المصريين القدماء وهو طبق الفول مع الطعمية والعيش البلدي.
بنقول في مصر : الفول مسمار المعدة.. وده إفتخاراً أن الفطار بتاعنا تاكله من هنا وتشبع قصاده نص يوم بحاله وعشان كدا دايماً المصري الأصيل هو اللي يبتدي يومه بالفول والطعمية.
بترجع أصول الفول والطعمية بشكل أساسي لمصر القديمة، حيث أنها وجبة فرعونية إبتدعها المصريون القدماء عشان تكون بديل نباتي للبروتين. وفيه مصادر بتقول أن الطعمية، المكونة من الفول المطحون والخضروات، إشتهرت في العصر القبطي كطعام صيامي، بينما يُعد الفول المدمس أكلة مصرية أصيلة.
:تفاصيل أكلة الفول
الفول المدمس هو الطبق الوطني الشعبي الأول في مصر، بيتكون من حبوب الفول المطبوخة ببطء (التدميس) في قدر خاص (الدماسة)، ويُقدم عادةً على الإفطار مع الزيت، الليمون، الكمون، والثوم، أو بالطحينة. يعد مصدراً غنياً بالبروتين والألياف التي تعزز صحة القلب.
.التاريخ: يُعد من أهم البقوليات التي عرفها القدماء المصريون منذ الأسرات الأولى
.التحضير: كان يتم دفنه في رماد الفرن داخل قدر فخارية، وهو أكلة مصرية يومية
:تفاصيل أكلة الطعمية
. الطعمية: ترجع إلى مصر القديمة، وفية رأي قبطي أنها مشتقة من "فا لا فل" وتعني ذات الفول الكثير
.الطعمية التقليدية: عجينة الفول المخلوطة بالكزبرة، البقدونس، الثوم، والبصل، وتكون مغطاة بالسمسم أو الكزبرة الناشفة من الخارج
التطور: إنتقلت من مصر إلى بلاد الشام، حيث تم إستبدال الفول بالحمص في بعض المناطق، بينما تظل الطعمية المصرية تعتمد على الفول
.الاسم: كلمة "طعمية" هي تصغير لكلمة "طعام" (أكلة ذات طعم لذيذ)، وتعتبر من أشهر الأكلات الشعبية اللي إرتبطت بالثقافة المصرية
:حسم الجدل
مع إنتشار الطعمية المصرية حاول البعض نسبها إليهم مثل سوريا ولبنان وفلسطين والعراق واليمن بس في الأصل هي كلمة قبطية ( فا , لا , فل) تعني (ذات الفول الكثير) وهذا جزء من إثبات مصرية الطعمية، ويثبت أن صناعتها من الفول وليس الحمص كما يصنعها الشوام.
على الرغم من النزاعات حول الأصل (شامية أم مصرية)، إلا أن المؤرخين الغذائيين، مثل (كين ألبالا) ، قد شهدوا بأن أصل الطعمية مصري، .وقد تم الاعتراف بها في المحافل الدولية كأكلة شعبية مصرية
.وأشار إلى العثور علي جداريات في مقابر ترجع إلي الأسرة الثانية عشرة الفرعونية بها صور طهاة يصنعون الطعمية
الفول بيتعمل بإضافات كتير قوي زي إنه بيتعمل بالزبدة,السمنه,الطحينه,الطماطم, بالبيض,فول بالزيت الحار, وفيه كمان طاجن فول بالسجق وفيه برضه الفول الاسكندراني اللي مشهورين بيه في مدينة الأسكندرية! و برضه الطعمية بتتعمل بطرق كتير جداً و بقيت تتحشي كمان ساعات بحاجه اسمها (الهريسة) اللي هي معجون فلفل حراق والجبنة! طبيعي الأكل بيتطور وبيتعمل بطرق مبتكرة كمان مع مرور الزمن!
منتشر جداً عربيات في الشارع بالشكل الموضح في الصورة.. الصبح بيتجمع المصريين حواليها عشان يفطروا الفول والطعمية! فيه اللي بيحب يغمس الفول بالعيش البلدي المصري.. وفيه ناس بتحب تاكل الفول في الساندوتش ! و برضه الطعمية بتتعمل في ساندوتش عشان اللي بيحب يفطر بسرعة.
الفول والطعمية بيتعملوا دلوقتي بطرق كتيرة جداً وبأضافات كتيرة قوي قوي ! و بصراحه كلهم أحلي من بعض! أنا عن نفسي بعشق الفول بالزبدة أو زيت الزيتون وعليه طحينه! الطعمية بحبها التقليدية بدون أضافات.
وده شكل الفطار المصري التقليدي كنت ساعتها بفطر في محل فول وطعمية عشان كنت عاوزه أقعد وأكل علي مهلي. بيبقي شكل أطباق الفول والطعمية كدا وده شكل المنيو في المطعم.
.webp)
!لازم أما تيجوا مصر تجربوا فطارنا التقليدي المميز