فيه أكلات كتير حوالين العالم بيبقي ليها أسامي غريبة وبيبقي صعب تتخيل مكوناتها إيه .. بس تعالي بقي عند الأكل المصري! معظم الأكلات المصرية التقليدية بتتسمي علي أسامي الخضار أو المكونات الأكله ذات نفسها !

مثلاً عندك طاجن البامية, أي خضار بيتعمل بصلصه طماطم زي بسلة بالجزر ! أو فاصوليا بيضا بالصلصة! حتي أكله (الملوخية) أتسمت بنفس أسم الخضار. والمكرونة بالبشاميل .. أتسمت برضه بنفس مكونات الطبخه اللي هي المكرونة وصوص البشاميل!

وبرضه جميع أنواع المحاشي زي محشي ورق العنب ومحشي الكرنب ومحشي البدنجان!

ومش بس كدا حتي الحلويات زي الرز باللبن أتسمت بنفس المكونات اللي بتعمل منها الأكلة ! تخيل بقي لو الأكله مكوناتها كتير حيبقي أسمها طويل أزاي! أكله زي الكشري مثلا! حيبقي إسمها الرز مع العدس والحمص والمكرونة والصلصه والدقه مع البصل المقلي !

عموماً تسمية الأكلات بالشكل البسيط ده حيسهل علي اليابانيين أنهم يعرفوا مكونات معظم الاكله من أسمها بس! أعتقد ممكن نفس الشئ موجود في المطبخ الياباني في بعض الأكلات زي مثلا (ياكي نيكو 焼肉) اللي هي ترجمتها :لحمه مشوية.. أو (الياكي توري 焼き鳥) اللي هو الفراخ المشوية علي أسياخ.