عصير القصب… المشروب الصيفي الرسمي في مصر!
عصير القصب المصري من أكتر المشروبات اللي بتنعش في الحر. فريش، طبيعي، وبيتقدم في الشارع المصري كجزء من الحياة اليومية.
أما بتسمع عن المشروبات في مصر إيه الحاجه اللي بتيجي علي بالك؟ الشاي؟ القهوة؟ الشاي بالنعناع؟ في الحقيقه أن في مصر عندنا العصاير الفريش حاجه لاغني عنها خصوصاً في فصل الصيف! ومن المشروبات دي .. أكتر مشروب محبوب لينا كمصريين وهو (عصير القصب)!
عصير القصب تقدر تشتريه بسهوله من أي محل عصائر في مصر .. شوارع مصر في كل حته لازم تلاقي محل عصير فريش..عصير القصب سعره يعتبر رخيص .. حتلاقيه في المحل بيتعصر بمكنه مخصصه له بحيث أنك تشربه فريش علي طول! بدون أي ضافات أو سكر .. هو أصلاً مسكر لوحدة كدا طبيعي!
تجربة أنك تشربلك شوب عصير قصب تحت أشعة الشمس المصرية الحارقه والعصير ينزل يعمل (تششش) كدا يبرد علي قلبك تجربة تستحق بصراحه!
المصريين بيعشقوا شرب العصاير الفريش خصوصاً في الصيف .. حتلاقي معظم الناس بتشرب عصاير ساقعه طول الصيف !
بس أعتقد أن عصير القصب ممكن يكون مسكر قوي للشخص الياباني ! بس بجد لو جيت مصر جربه ولو مره كنوع من أنواع التجربة الجديدة!
بس نصيحتي لو عندك مرض السكر حاول ما تكترش في شربه !
ولو الموضوع ده عجبك، اقرأ كمان: أما جربت السحلب لأول مره أستغربت! والشاي الكُشري حيغير مودك علي طول!
