أما جربت السحلب لأول مره أستغربت!

مع المشروبات الشتوية التي لا تنتهي في مصر والتي لاغني عنها في برد الشتاء هو مشروب (السحلب).

في الاول أستغربت أنه مشروب وانتوا كمان حتستغربوا زيي كدا بس تعالوا الاول نعرف مكوناتة:

هو بيتكون من مسحوق جذور السحلب (مسحوق السحلب الخام المستخرج من جذور الأوركيد) وممكن إستخدام النشا كبديل/ حليب بودرة/سكر بودرة/ أرز مطحون/ مسحوق الكريم شانتية/ مكسرات وقرفة.

مشروب السحلب بيتباع جاهز بالشكل اللي في الصور ده وساعتها بيكون تحضيره سهل.

بتحط كوب لبن في حله علي النار ومعلقتين صغيرين من مسحوق السحلب أول ما القوام بيتقل بتحطه في كوباية و بتزينه بالمكسرات والقرفه وجوز الهند وممكن تزود السكر حسب الرغبة.

كنت في الاول بستغرب المشروب ده عشان بيتقدم ومعاه معلقه عشان تعرف تاكل المكسرات عليه وحسيت مع الوقت انه قريب من الرز بلبن عشان باكله بالمعلقه برضه.

المشروب ده من مشروباتي المفضله في الشتاء وممكن تشتري مسحوق مشروب السحلب وتحضرة بكل بساطة وأنت في اليابان.. ومش بس كدا حتلاقيه بيتباع كمان في محلات العطارة حتقوله بس : بودرة سحلب اونيجاي شيماس. حيفهم علي طول ! 

ولو الموضوع ده عجبك، اقرأ كمان: المشروبات الرمضانية: بعد الصيام… مشروبات رمضان اللي حتروي عطشك! وعصير القصب… المشروب الصيفي الرسمي في مصر!