كالعادة البداية كانت من مصر .. عيد الأم أنطلق الأحتفال بيه في مصر لأول مره سنه 1956 ... وكل سنه بنحتفل بيه يوم21 شهر مارس.
بس ياتري ليه اليوم ده بالذات بنحتفل بيه ومين اللي قرر التاريخ ده بالذات؟
ترجع قصه أختيار يوم 21 مارس أنه يكون مخصص لعيد الأم في مصر للصحفي الراحل (علي أمين) وأخوه (مصطفي أمين) مؤسسي جريدة أخبار اليوم حيث أنه كتب مقالة (كفكرة) لتخصيص يوم للاحتفال بالأم حيث أنه قال: ليه مانعملش يوم مخصص للأحتفال بالأمهات في بلدنا مصر وفي الشرق الأوسط حيث أنه في اليوم ده نبعت لأمهاتنا جوابات ونقدم هدايا رمزيه بيقولوا فيها (شكراً يا أمي).
ومن هنا بعد نشر المقالة دي بجريدة (الأخبار) إختار القراء تحديد يوم (21 مارس) عشان حيكون بداية فصل الربيع ويكون بيتماشي مع فصل العطاء والصفاء والخير.
وكان أول أحتفال بعيد الأم في يوم21 مارس سنه 1956. وبكدا خرجت الفكرة من مصر لجميع الدول العربية.
عادة في اليوم ده بنقدم هدايا بسيطه لأمهاتنا أو بنخرجهم خروجه حلوة أو بنريحهم من شغل البيت.
بس في اليابان عيد الأم بيبقي يوم 10 مايو وطريقه الأحتفال بيه أنه بيتم تقديم بوكيه من الورد الأحمرأو البمبي (Carnations) .. بس أحنا في مصر مش بالضرورة بنقدم ورد ممكن نقدم أي نوع هدية تقديراً للأمهات علي مجهودهم معانا.. بصراحه أنا السنه دي جبت لوالدتي أزازه بيرفيوم!
شكر وتقدير لكل الأمهات العظيمات حوالين العالم كله!
