قصر البارون .. القصر اللي كنت بسمع عنه و انا صغيره في التسعينات و كنت دايماً بسمع عنه قصص رعب و كان دايماً مرتبط بالاشباح و القصص الغريبه اللي الناس اللي كانوا عايشين حواليه بيقولوها .. و كانت الواقعه اللي هزت الاعلام في مصر في التسعينات هي الشباب اللي عمل حفله ميتال هناك و اتقبض عليهم انهم بيعملوا افعال شيطانيه و ارتبط اسمهم ب (عبده الشياطين) و بقي برضه اسم القضيه (قضية عبده الشياطين) اللي مافيش حد في مصر ماكنش يعرفها ساعتها وانا سمعت عن القصه دي و انا كنت حوالي 12 سنه و حصلت سنه 1997 و كانت زي ما بنقول دلوقتي (تريند) في الوقت ده و تصدرت الخبر في الجرايد بعنوان (عبده الشياطين في قصر البارون).
و القضية دي كانت من ضمن الاساطير اللي الناس اللي حوالين القصر كانوا بيحكوها عشان كانوا بيشوفوا أضواء طالعه من القصر و هو اصلا المفروض انه مافيش حد ساكن فيه و اصوات و ضجيج و اغاني بطلع منه القصر كل يوم لحد ما اتقبض عليهم .. و لاقوا برضه انهم بيتعاطوا مخدرات فا كانت ليلتهم سودا بجد اما اتقبض عليهم ! .. كانوا 90 شاب و بنت و اطلقوا سراحهم عشان مالقهوش دلائل علي عباده الشياطين غير انهم كانوا معاهم شرايط كاسيت فيها اغاني ميتال و كانت الحاجات دي غريبه علي المجتمع المصري و اعتبروها متطرفه عن العادات و التقاليد بتاعتنا !
بس من ساعتها انا كنهال كنت بخاف من القصر ده و حتي اما كنت بعدي جمبه بليل كنت بخاف قوي لحد ما رحت زرته !
فا قبل ما احكي بقي لاقيت ايه هناك دي شويه معلومات عن القصر العظيم المميز ده !
قصر البارون إمبان هو تحفة معمارية فريدة في مصر الجديدة، بناه المليونير البلجيكي البارون إدوارد إمبان بين عامي 1907 و 1911 على الطراز الهندي، ويتميز بتصميمه المبتكر وبرجه الدوار الذي يلف دورة كاملة كل ساعة (البرج لا يدور الآن)، ويضم مساحات داخلية مثل غرف استقبال وطعام وخدم، بالإضافة إلى حديقة واسعة، وقد افتتح للجمهور بعد ترميمه عام 2020 ويُعد مزاراً سياحياً يجمع بين التاريخ والغموض،.
معلومات أساسية عن القصر
الموقع: مصر الجديدة، القاهرة، شارع العروبة.
تاريخ البناء: بين 1907 و 1911.
المصمم: المهندس الفرنسي ألكسندر مارسيل.
الطراز المعماري: هندي، مستوحى من معابد الهند.
المؤسس: البارون إدوارد إمبان، رجل أعمال بلجيكي.
أبرز السمات والتفاصيل
التصميم: يتكون من بدروم (خدم)، طابقين رئيسيين، وسطح بانورامي.
البرج الدوار: كان القصر يتميز ببرج اسطواني يدور دورة كاملة كل ساعة، ولكن التروس تعطلت ولم يعد يدور.
الحديقة: يحيط بالقصر حديقة كبيرة من جميع الجهات.
الاستخدام الحالي: بعد ترميمه، يعمل القصر كمتحف ومعرض ثقافي، ويستقبل الزوار للاستمتاع بجمالياته وتاريخه.
الغموض والقصص: ارتبط القصر بالعديد من الأساطير حول الأشباح، خاصة بعد حادثة سقوط أخت البارون، مما أضاف هالة من الغموض حوله.
من ضمن القصص المرعبه اللي طلعت علي القصر ده :
1- حريق البرج (1982): اشتعلت النيران في برج القصر، وانطفأت من تلقاء نفسها، مما زاد من الأساطير حول القصر (على الرغم من عدم تأكد مصدر الحريق).
2- أساطير الأشباح: تقول الروايات إن شبح ابنة البارون "آن" يظهر في القصر بعد وفاتها، وتسمع أصوات غناء وصرخات أحيانًا.
3- قصة ابنة البارون: تشير الأساطير إلى أن ابنة البارون انتحرت أو سقطت من شرفة القصر، وأن شبحها يطارد القصر، وأن البارون فضل الاستمتاع بغروب الشمس وقت الحادث.
· واخرهم قصه الشباب (عبده الشياطين).
زيارة القصر مش حتحتاج اكتر من ساعه فا مش لازم تخصص يوم كامل للزيارة.. القصر من جوه فاضي كل اللي موجود لوح بتعرض معلومات عن القصر و ممكن تستمتع بالمنظر البانوراما من فوق و تتصور صور حلوه كمان .. التصوير جوه مسموح طبعا اكتر حاجه عجبتني هو منظر البانوراما من فوق .. تقدر تنزل تلف حوالين القصر و تستمع بشكل التصميم المعماري المميز! و بعدها تنزل تتصور مع العربيات اللي شكلها كلاسيك برا و في الاخر فيه كافيه صغير تقدر تقعد تشرب مشروبات فيه و بس !
حققت حلم من احلامي و تغلبت علي خوفي من القصر ده و رحت و شوفته .. بيبقي احساس غريب اما تفضل عمرك خايف من حاجه و تطلع لاشئ في الاخر! المهم دي الصور اللي اتصورتها هناك ! اتمني تدوا المكان فرصه و تروحوا تزروة !
