من المشاريع اللي متحمسه ليها جداً في مصر وفخورة جداً بيها هو مشروع مونوريل القاهرة. بالرغم أن المونوريل ما أبتداش يشتغل ألا أنه حيكون من وسائل المواصلات التي لا تقل أهمية عن المترو.

مشروع مونوريل القاهرة هو عبارة عن قطار أحادي وهو نظام نقل سريع مكون من خطين بيوصل من محافظة القاهرة للعاصمة الادارية الجديدة.

يعتبر مشروع المونوريل من أحدث مشاريع النقل وليها مستقبل واعد جداً في شبكة المواصلات في القاهرة بس قبل ما نخش في تفاصيل كتير حابه أقول شوية معلومات تعريفية عن المشروع ده:

1- خلفية عن المشروع:

تم تنفيذ المشروع من قبل شركات إنشاء مصرية ( المقاولون العرب وأوراسكوم) و شركة فرنسية (أليستوم).

2- إمتي أبتدي المشروع:

المشروع إبتدي من شهر 8 سنه 2019 لحد دلوقتي. ومن المتوقع تشغيله في بداية سنه 2026 وحيكون مكون من خطين ومن المتوقع أن يكون بمجرد إكتماله أطول قطر أحادي ذاتي القيادة في العالم كله. حالياً أطول خط مونوريل في العالم في الصين بطول 96.5 كيلو متر.

تم إنشاء المونوريل عشان يربط بين مدينة القاهرة الجديدة و القاهرة. مدينة القاهرة الجديدة تم إنشائها عشان تخفف من مشكله التكدس السكاني في محافظه القاهرة.

خطوط المونوريل :

· الخط الأول: بيربط مدينة السادس من أكتوبر بمحافظة الجيزة.

· الخط الثاني: بيربط العاصمة الأدارية الجديدة بشرق القاهرة.

إجمالي طول خط العاصمة الإدارية الجديدة 45 كيلومترًا وإجمالي 22 محطة. إجمالي طول خطين المونوريل 100 كيلو متر.

أهمية المشروع ده وتأثيرة:

ياتري ليه مشروع زي ده مهم قوي كدا ؟ و حيكون تأثيرة أيه علي الناس؟ فيه أسباب كتيرة قوي تعالوا نشوفها!

1- صديق للبيئة:

صديق للبيئة بمعني أنه مش مضر للبيئة ولا بيلوث الهواء عشان هو بيتشغل بالكهرباء مش بالديزل.

2- بيخفف الإزدحام المروري:

المونوريل حيربط مدن زي العاصمة الأدارية الجديدة ومدينة 7 أكتوبر وده حيخفف الزحمه في شوارع عاصمة القاهرة جداً. و بالاضافة لدة بتبلغ سعه كل خط من خطوط المونوريل حوالي 600 ألف راكب يومياً!

3- مناسب جداً لذوي الأحتياجات الخاصه:

حيتم توفير أماكن مخصصه للكراسي المتحركة.

4- توفير الوقت:

بيبلغ إجمالي وقت الرحلة للعاصمة الأدارية الجديدة حوالي ساعه بس! وهو وقت قصير جداً بالمقارنه أنك حتروحها بالعربية أو المواصلات العامة.

5- المونوريل بيشتغل بدون سائق بمعني بدون تدخل بشري.

لحد دلوقتي ما أعلنوش رسمياً عن أسعار التذاكر بس يُقال أنها حتكون حوالي ب 25 جنية ..

هل حابب تخوض تجربة أن تركب المونوريل أما يبتدي يشتغل ؟